Abdusattorov nihoyat g‘alaba qozondi
AQShning Sent-Luis shahrida 350 ming dollarlik mukofot jamg‘armasiga ega nufuzli Sinquefield Cup 2025ning sakkizinchi turi bo‘lib o‘tdi. Dunyoning kuchli 10 grossmeysteri qatnashayotgan musobaqada hamyurtimiz Nodirbek Abdusattorov (2771) ham ishtirok etmoqda. U bir nechta omadsizliklardan so‘ng ilk bor g‘alaba qozonib, oq donalarda fransiyalik Alireza Firuzjani mag‘lub etdi.
Bungacha Nodirbek 7 partiyaning 4 tasida yutqazib, 3 marta durang qayd etgandi. G‘alabadan so‘ng u ochkolarini 2,5 taga yetkazdi, biroq jadvaldagi so‘nggi – 10-o‘rindan yuqoriga ko‘tarila olmadi. Alireza Firuzja 3 ochko bilan 9-o‘rinda, jahon chempioni Gukesh Dommaraju esa 3,5 ochko bilan 8-o‘rinda bormoqda.
Qolgan barcha partiyalar durang bilan yakunlandi. Hozirgi paytda amerikalik Fabiano Karuana va hindistonlik Rameshbabu Praggnanandxa 5 ochkodan to‘plab, peshqadamlikni bo‘lishib turishibdi. Levon Aronyan va Uesli So hisobida esa 4,5 ochkodan mavjud.
Bugun so‘nggi tur bahslari o‘tkaziladi. Abdusattorov qora donalarda Uesli Soga qarshi o‘ynaydi. Uchrashuvlar bizning vaqt bilan soat 22:30 da start oladi.
