82 yoshli otaxon g‘olib. Yakasaroyda "Avtomobilsiz kun" velomarafoni yuqori ruhda o‘tdi

Boshqa sport turlari 19 apr 2025 da 16:16

Ibrohim Jalolov

Redaktor

Yangi tashabbuslar, sog‘lom turmush tarzi va ekologik ongni oshirishga qaratilgan amaliy tadbirlar orasidan biri sifatida bugun Yakasaroy tumanida "Avtomobilsiz kun" velomarafoni katta ko‘tarinki kayfiyatda o‘tkazildi.

Marafon yo‘nalishi O‘rikzor va Raqat ko‘chalaridan start olib, 135-sonli maktabgacha bo‘lgan masofani o‘z ichiga oldi. Qariyb 3 km uzunlikdagi yo‘lni tashkil etgan ushbu sport tadbirida turli yoshdagi fuqarolar qatnashdi - eng kichik ishtirokchi 7 yoshda bo‘lsa, eng keksa qatnashchi 85 yoshda edi.

Aytish joizki, musobaqa g‘oliblari orasida kutilmagan natijalar ham qayd etildi. Jumladan, 82 yoshli Dmitryuk Vitaliy o‘z yoshiga qaramay marafonni muvaffaqiyatli yakunlab, g‘oliblar safidan o‘rin oldi. Shuningdek, 72 yoshli Markelova Lyudmila va 12 yoshli Bakurov Shavkat ham g‘olib sifatida e’tirof etildi. Ularning bu yutug‘i barcha ishtirokchilar uchun ilhom manbai bo‘ldi.