-65 kg vazn toifasida keskin bahslar: Adhamjon Ergashev kuchli to‘rtlikdan joy oldi
Osiyo chempionatining -65 kg vazn toifasidagi bahslarida yurtimiz sharafini himoya qilgan Adhamjon Ergashev munosib ishtirok etdi. Hamyurtimiz dast ko‘tarish mashqida 136 kg, siltab ko‘tarishda esa 171 kg natija qayd etib, ikki kurash yakuniga ko‘ra jami 307 kg bilan musobaqani to‘rtinchi o‘rinda yakunladi.
Shiddatli va murosasiz kechgan bellashuvlarda sovrinli o‘rinlar quyidagicha ko‘rinish oldi:
1-o'rin. He Yueji (Xitoy) — 329 kg (146 + 183)
2-o'rin. Pak Myong Jin (KXDR) — 321 kg (145 + 174)
3-o'rin. Ding Hongjie (Xitoy) — 319 kg (144 + 177)
Ayniqsa, He Yueji o‘zining yorqin chiqishi bilan barchaning e’tiborini tortdi. U siltab ko‘tarish mashqida 183 kg, umumiy hisobda esa 329 kg natija qayd etib, yangi jahon va Osiyo rekordlarini o‘rnatdi hamda oltin medalni qo‘lga kiritdi.
