2026-yilda o‘tkazilishi rejalashtirilgan og‘ir atletika bo‘yicha kattalar o’rtasidagi Osiyo chempionatining sanalariga o‘zgartirish kiritildi
Osiyo og‘ir atletika federatsiyasi (AWF) rasmiy bayonotiga ko‘ra, 2026-yilda o‘tkazilishi rejalashtirilgan og‘ir atletika bo‘yicha kattalar o’rtasidagi Osiyo chempionatining sanalariga o‘zgartirish kiritildi.
Ma’lum qilinishicha, mazkur qaror Yaqin Sharq hamda Fors ko‘rfazi mintaqasida yuzaga kelgan hozirgi vaziyatni inobatga olgan holda qabul qilingan. Barcha delegatsiyalarning xavfsiz va muammosiz ishtirokini ta’minlash maqsadida musobaqa yangi muddatga belgilandi.
Endilikda qit’a birinchiligi 2026-yil 12–17-may kunlari bo‘lib o‘tadi.
Musobaqa dasturi doirasida:
10-may — AWF Ijroiya qo‘mitasi yig‘ilishi hamda antidoping bo‘yicha seminar o‘tkaziladi.
11-may — AWF Kongressi va chempionatning tantanali ochilish marosimi tashkil etiladi.
Musobaqa dasturi hamda tashkiliy masalalarga oid qo‘shimcha ma’lumotlar keyinchalik e’lon qilinishi ma’lum qilindi.
Mazkur nufuzli musobaqada qit’aning yetakchi og‘ir atletikachilari o‘z mahoratini namoyish etishi kutilmoqda.
