15-mart kuni ot sportining to’siqlardan sakrash (konkur) yo‘nalishi bo‘yicha FEI xalqaro styuardlari uchun seminar va imtihon bo‘lib o‘tdi
15-mart kuni ot sportining to’siqlardan sakrash (konkur) yo‘nalishi bo‘yicha FEI xalqaro styuardlari uchun seminar va imtihon bo‘lib o‘tdi.
15-mart kuni xalqaro ot sport federatsiyasining taqvim rejasiga asosan ot sportining to’siqlardan sakrash (konkur) yo‘nalishi bo‘yicha xalqaro styuardlar uchun onlayn o‘quv seminari va attestatsiya tashkil etildi.
Seminar davomida FEI qoidalaridagi dolzarb o‘zgarishlar, reglamentlarni amaliy qo‘llash masalalari, shuningdek, xalqaro musobaqalarda styuardlar faoliyatining asosiy jihatlari ko‘rib chiqildi va yangi qonun-qoidalar bilan tanishtirildi. O‘quv qismi yakunlangach, ishtirokchilar malakani tasdiqlash va amaldagi litsenziyani uzaytirishga qaratilgan attestatsiya imtihonidan o‘tdilar.
Imtihon natijalariga ko‘ra, O’zbekiston yilqichilik va ot sporti federatsiyasi tomonidan Inna Tokmakova va Yana Pavliva o‘z malakalarini muvaffaqiyatli tasdiqladilar. FEI talablariga muvofiq, ularga xalqaro styuard litsenziyasini 3 yil muddatga — 2029-yilgacha uzaytirishni tasdiqlovchi sertifikatlar topshirildi.
Bunday tadbirlarni o‘tkazish ot sportida rasmiy shaxslarning yuqori darajadagi professional kompetensiyasini ta’minlash va qo‘llab-quvvatlash tizimining ajralmas qismi hisoblanadi.
