Xokkey: Oʻzbekiston terma jamoasi jahon chempionatining uchinchi divizioniga chiqish uchun Malayziyaga qarshi maydonga tushadi
Armanistonda xokkey boʻyicha IV divizion jahon chempionati yakunlanmoqda. 19-aprel kuni guruh bosqichining soʻnggi uchrashuvlari boʻlib oʻtadi. Oʻzbekiston terma jamoasi Malayziyaga qarshi bahs olib boradi. Uchrashuv Toshkent vaqti bilan soat 15:00 da boshlanadi. Shuningdek, shu kuni Indoneziya — Armaniston va Eron — Quvayt oʻyinlari ham oʻtkaziladi. Toʻrt tur yakunlariga koʻra, Oʻzbekiston terma jamoasi turnir jadvalida peshqadamlik qilmoqda. Faqatgina guruhda birinchi oʻrinni egallagan jamoa uchinchi divizionga chiqish huquqini qoʻlga kiritadi.
Beshinchi tur oldidan jadval quyidagicha:
1. Oʻzbekiston — 10 ochko (3 gʻalaba, 1 magʻlubiyat), shaybalar nisbati: 61:7
2. Armaniston — 9 ochko (3 gʻalaba, 1 magʻlubiyat), shaybalar nisbati: 39:10
3. Quvayt — 8 ochko (3 gʻalaba, 1 magʻlubiyat)
4. Indoneziya — 6 ochko (2 gʻalaba, 2 magʻlubiyat)
5. Eron — 3 ochko (1 gʻalaba, 3 magʻlubiyat)
6. Malayziya — 0 ochko (4 magʻlubiyat)
Malayziya ustidan qoʻlga kiritiladigan gʻalaba Oʻzbekistonga jahon chempionatining uchinchi divizioniga ilk bor chiqish imkonini beradi.
