Qozog‘iston xokkey terma jamoasi olti yildan so‘ng jahon chempionati yuqori divizionini tark etdi
Qozog‘iston milliy terma jamoasi jahon chempionati yuqori divizionining guruh bosqichi so‘nggi turida Shveytsariyaga 1:4 hisobida mag‘lub bo‘ldi va turnir jadvalida so‘nggi o‘rinni egallab, olti yillik tanaffusdan so‘ng Divizion I A guruhiga qaytdi.
Qozog‘istondan pley-offga chiqish kutilmayotgandi, ayniqsa, fuqarolik to‘g‘risidagi qonun kuchaytirilgani va bir nechta muhim tabiiylashtirilgan xokkeychilar jamoa uchun o‘ynashdan voz kechganini hisobga olganda. Shunga qaramay, mutaxassislar jamoa yuqori divizionda qoladi degan umidda edi — sababi Rossiya va Belarus ishtirok etmayotgani tufayli raqobat darajasi pasaygan edi. Xususan, Vengriya aniq autsayder sifatida ko‘rilardi, Norvegiya esa yetakchi jamoalar qatoriga kirmaydi.
Shu tariqa, Qozog‘iston terma jamoasi 2019 yildan beri ilk bor Divizion I A guruhida to‘p suradi. Yangilangan guruhda Qozog‘iston Fransiya, Ukraina, Yaponiya, Polsha va Litva termalariga qarshi maydonga tushadi. Birinchi va ikkinchi o‘rinni egallagan jamoalar yuqori divizionga ko‘tariladi, eng past o‘rinni egallagan jamoa esa Divizion I B guruhiga tushiriladi.
