Oʻzbekiston xokkey terma jamoasi Armanistonga bullitlar seriyasida magʻlub boʻldi
Yerevanda kattalar oʻrtasidagi xokkey boʻyicha jahon chempionatining IV divizionida ikkinchi oʻyin kuni yakunlandi. 14 aprel kuni musobaqa doirasida mezbon Armaniston hamda Oʻzbekiston terma jamoalari oʻrtasida bellashuv boʻlib oʻtdi. Asosiy vaqt 2:2 hisobida yakunlandi. Bullitlar seriyasida omad armanistonlik xokkeychilar tomonida boʻldi va ular 3:2 hisobida gʻalaba qozonishdi. Oʻzbekiston termasi safida Pavel Sinyavskiy va Javohir Rasulov oʻz hissalarini qoʻshishdi.
Oʻzbekiston ishtirok etayotgan guruhdagi boshqa oʻyinlarda:
Quvayt Indoneziyani 15:6 hisobida magʻlub etdi
Eron Malayziya ustidan 5:1 hisobida gʻalaba qozondi
Shu tariqa, Armaniston besh ochko bilan divizonda peshqadamga aylandi, Oʻzbekiston esa toʻrt ochko bilan ikkinchi oʻrinda bormoqda. Oʻzbekiston terma jamoasi navbatdagi oʻyinini 16 aprel kuni Eronga qarshi, musobaqaning uchinchi turida oʻtkazadi.
Jahon chempionati. IV divizion. Ikkinchi oʻyin
Oʻzbekiston – Armaniston 2:3 B (0:0, 2:2, 0:0, 0:0, 0:1)
0:1 – Xudyakov (28:54)
1:1 – Sinyavskiy (36:04)
2:1 – Rasulov (36:37)
2:2 – Kuznetsov (37:23)
2:3 – Kuznetsov (bullit, 65:00)