MXL: \"Toronto\" Stenli Kubogi pley-offining ikkinchi bosqichida \"Florida\"ni mag'lub etdi

6 may kuni Milliy xokkey ligasida 2024/2025 yilgi Stenli Kubogi pley-off bosqichining navbatdagi kuni yakunlandi. Ushbu sanada ikkinchi bosqichdan faqat bitta uchrashuv o'tkazildi.

Toronto shahridagi "Scotiabank" arenasi mezbonlik qilgan bahsda mahalliy "Maple Leafs" jamoasi "Florida Panthers"ni qabul qildi. Juda keskin va sermahsul kechgan o'yinda maydon egalari 5:4 hisobida g'alaba qozondi. Bu natijaga ko'ra, "Toronto" seriyada 1:0 hisobida oldinga chiqdi.

6 may holatiga ko'ra, Stenli Kubogining ikkinchi bosqichidagi joriy holat:
"Washington Capitals" — "Carolina Hurricanes" — 0:0
"Toronto Maple Leafs" — "Florida Panthers" — 1:0
"Vegas Golden Knights" — "Edmonton Oilers" — 0:0
"Winnipeg Jets" — "Dallas Stars" — 0:0

Bakradze Iman

Redaktor