Zirkze qishda A Seriyaga qaytmoqchi

“Manchester United” hujumchisi Joshua Zirkze qishda “Roma” jamoasiga ijaraga o'tishi mumkin. Bu haqda La Gazzetta dello Sport nashri xabar berdi.

Manbaga ko'ra, Zirkze ko'proq o'yin amaliyotiga ega bo'lish va Niderlandiya terma jamoasidan chaqiruv olish istagida jamoasini almashtirmoqchi. U Jahon chempionatida o'ynash orzusi borligini ma'lum qilgan.

Qayd etilishicha, Zirkze oktyabr oyidagi uchrashuvlar uchun terma jamoaga chaqiruv olmagach, o'z agentidan yangi jamoa topishni so'ragan.

Joriy mavsumda Joshua turli musobaqalar doirasida 4 ta o'yinda maydonga tushdi, ammo samarali harakatlar qayd eta olmadi. Uning klub bilan tuzgan shartnomasi 2029 yil yozigacha amal qiladi.

Roziqjon Sultonmurodov

Jurnalist