Zidan Tojikiston milliy jamoasini boshqarish taklifini rad etdi — manba
Tarmoqlarda Zinedin Zidanning murabbiylik faoliyati bo‘yicha kutilmagan xabarlar tarqalmoqda. Ta’kidlanishicha, afsonaviy fransiyalik mutaxassis Tojikiston terma jamoasini boshqarish taklifini rad etgan.
Ushbu ma’lumotni dastlab PM Arena nomli mahalliy manba e’lon qildi. Shuni ta’kidlash lozimki, bu nashr yirik OAV hisoblanmaydi, balki ijtimoiy tarmoqlardagi 3 mingga yaqin obunachiga ega kichik sahifadir. Shu bois, bu «insayd»ga katta ehtiyotkorlik bilan yondashish tavsiya etiladi.
Shu bilan birga, ko‘plab taniqli jurnalistlar Zidan kelasi yozda Fransiya terma jamoasini boshqarishi mumkinligi haqida ancha vaqtdan beri yozishmoqda. Bu xabarlarning haqiqatga yaqinlik darajasi ancha yuqori baholanmoqda. Ma’lumot uchun, Tojikiston terma jamoasi FIFA reytingida 103-o‘rinni egallab turibdi.
