Zidan futbol tarixidagi eng yaxshi murabbiy kim ekanligini aytdi
Taniqli sobiq futbolchi va "Real"ning sobiq bosh murabbiyi Zinedin Zidan futbol tarixidagi eng yaxshi murabbiy kim ekanligini aytdi.
"Men uchun barcha zamonlarning eng yaxshi murabbiyi — Xosep Gvardiola. U o‘z darajasini bir necha bor isbotladi: avval "Barselona"da, keyin "Bavariya"da, hozir esa "Manchester Siti"da. Men undan ko‘p narsa o‘rganishga muvaffaq bo‘ldim. U juda ochiq inson — tajribasi bilan o‘rtoqlashdi, maslahatlar berdi, biz ko‘p suhbatlashdik, ishga yondashuvimizda farqlar bo‘lishiga qaramay", — deya Zidanning so‘zlarini Give Me Sport keltiradi.
Fransiyalik mutaxassis qo‘shimcha qilib, suhbatlar mazmunini oshkor etishni istamasligini, ammo bu tajriba haqiqatan ham qimmatli bo‘lganini ta’kidladi.
Eslatib o‘tamiz, Xosep Gvardiola o‘z murabbiylik faoliyati davomida uch marta Chempionlar ligasi g‘olibiga aylangan: ikki bor "Barselona" bilan, bir bor esa "Manchester Siti" bilan.
