Zaif ko'ruvchi va ko'zi ojizlar o'rtasida O'zbekiston chempionati yakunlandi
PHOTO: Telegram
9-16 aprel kunlari O'zbekiston ko'zi ojizlar sport federatsiyasi tomonidan ko'zi ojiz va zaif ko'ruvchi sportchilar o'rtasida 100 katakli shashka bo'yicha mamlakat chempionati o'z yakuniga yetdi.
Buxoro shahri mezbonlik qilgan musobaqada Respublikamizning barcha hududlaridan kelgan jami 72 nafar sportchi ishtirok etdi.
Musobaqaning tantanali ochilish marosimida O'zbekiston ko'zi ojizlar sport federatsiyasi raisi O.Ergashev hamda mutasaddi tashkilot vakillari ishtirok etdi. Chempionatda sovrindor bo'lgan sportchilar medal, diplom hamda esdalik sovg'alari bilan taqdirlandi.
Ta'kidlash kerakki, ushbu musobaqada saralangan sportchilar joriy yil may oyida Turkiyada bo'lib o'tadigan Jahon chempionatiga tayyorgarlikni davom ettiradi.
Ibrohim Jalolov
Redaktor