«Yuventus» Spaletti bilan faol muzokaralar olib bormoqda

«Yuventus» rahbariyati italiyalik murabbiy Luchiano Spaletti bilan faol muzokaralar olib bormoqda. Bu haqda jurnalist Janluka Di Marsio xabar bermoqda.

Manbaga koʻra, turinliklar Spalettiga joriy mavsum yakuniga qadar moʻljallangan shartnoma taklif qilgan.

Qayd etilishicha, agar jamoa Chempionlar ligasiga yoʻllanma olsa, kelishuv avtomatik ravishda uzaytiriladi. Spaletti bu taklifni maʼqullagan va Italiya milliy jamoasidagi omadsiz faoliyatidan soʻng oʻz obroʻsini tiklash uchun «Yuventus»ni boshqarishga tayyor.

Maʼlumot uchun, Spaletti faoliyati davomida «Roma», «Inter» va «Napoli» kabi klublarni hamda Italiya milliy jamoasini boshqargan.

Nasrullo Karimov

Jurnalist