«Yuventus» Serlot bilan muzokara boshladi
Uning amaldagi shartnomasi 2028 yil iyunigacha mo‘ljallangan.
ФОТО: Getty images
“Yuventus” klubi “Atletiko” hujumchisi Alexander Serlot bilan muzokaralarni boshladi. Bu haqda Sky Sport Italia xabar bermoqda.
Manbaga ko‘ra, tomonlar 30 yoshli norvegiyalik futbolchining shaxsiy shartnomasi borasida fikr almashmoqda.
Avvalroq forvardga “Milan” va “Barselona” ham qiziqish bildirgan. U kataloniyaliklar uchun Robert Levandovski o‘rniga ehtimoliy almashtiruvchi sifatida ko‘rilgan.
"Atlétiko Madrid" Serlotni 2024 yil yozida "Villarreal"dan 32 million yevroga sotib olgan edi. 2025/26 mavsumda hujumchi barcha musobaqalarda 54 o‘yinda ishtirok etib, 20 ta gol urdi. Uning amaldagi shartnomasi 2028 yil iyunigacha mo‘ljallangan.
Roziqjon Sultonmurodov
Jurnalist
