«Yuventus» Pikfordga qiziqib qoldi

"Everton" va Angliya terma jamoasi darvozaboni Jordan Pikford "Yuventus"ga o'tishi mumkin.

Turin klubi yangi darvozabon izlamoqda. Insayder Nikolo Skira ijtimoiy tarmoqlarda bergan ma'lumotiga ko'ra, "Yuventus"ga agentlar orqali Pickford nomzodini ko'rib chiqishni taklif qilishgan. Klub bu transferga qay darajada qiziqayotgani hozircha noma'lum.

O'tgan yilning kuzida Pikford "Everton" bilan 2029 yilgacha mo'ljallangan shartnoma imzolagan edi.

Transfermarkt portali uning bozor qiymatini 13 mln yevroga baholamoqda. Avvalroq "Yuventus" "Aston Villa" darvozaboni Emiliano Martinezga ham qiziqish bildirgan edi.

Bu mavsumda Pikford 39 ta o'yinda maydonga tushib, 51 ta gol o'tkazib yubordi va 11 ta o'yinni "quruq" o'tkazdi.

Roziqjon Sultonmurodov

Jurnalist

0 0 0 0 0 0