“Yuventus” o‘rtoqlik uchrashuvida “Chelsi”ni mag‘lub etdi
Bellashuvda Mixail Mudrik uzoq tanaffusdan so‘ng “Chelsi” safida maydonga qaytdi.
Foto: Getty Images
“Chelsi” va “Yuventus” o‘rtasidagi o‘rtoqlik uchrashuvi Turin klubining minimal hisobdagi g‘alabasi bilan yakunlandi.
Gonkongdagi “Kay Tak Sports Park” stadionida bo‘lib o‘tgan bahsning birinchi bo‘limida hisob ochilmadi. Uchrashuvdagi yagona gol 68-daqiqada “Yuventus” hujumchisi Edon Jegrova tomonidan urildi.
Qolgan daqiqalarda London klubi hisobni tenglashtirishga harakat qildi, biroq “Yuventus” himoyasi ustunlikni saqlab qoldi. Yakuniy hisob — 0:1.
Mazkur uchrashuvning yana bir muhim voqeasi — Mixail Mudrikning uzoq tanaffusdan so‘ng “Chelsi” safida maydonga qaytgani bo‘ldi.
Nasrullo Karimov
Jurnalist