«Yuventus» Menyanni o‘z safiga qo‘shib olmoqchi
Milan darvozaboni Mayk Menyan mavsum yakunida klubni tark etishi mumkin.
La Gazzetta dello Sport nashrining xabar berishicha, fransiyalik darvozabon Yuventusning qiziqish doirasiga tushib qolgan.
Manbaning ma’lumotiga ko‘ra, Turin klubi rahbariyati darvozabon pozitsiyasini mustahkamlash uchun nomzodlarni ko‘rib chiqmoqda va Menyan ustuvor variantlar qatoriga kiradi. Tomonlar o‘rtasidagi muzokaralar yaqin orada boshlanishi mumkin.
Yanvar oyi oxirida Menyan Milan bilan yangi shartnoma imzolagan, uning amal qilish muddati 2031 yilning yozigacha hisoblangan.
O‘tgan mavsumda 30 yoshli futbolchi barcha musobaqalarda 41 ta o‘yin o‘tkazib, ularning 16 tasida o‘z darvozasini daxlsiz saqlab qoldi. Transfermarkt ma’lumotlariga ko‘ra, darvozabonning bozor qiymati 20 million yevroni tashkil etadi.
