«Yuventus» Martinesga shartnoma taklif qildi — Skira
Italiyaning "Yuventus" klubi Angliyaning "Aston Villa" klubi va Argentina terma jamoasi darvozaboni Emiliano Martines bilan muzokaralarni boshladi. Bu haqda jurnalist Nikolo Skira X ijtimoiy tarmog‘ida xabar berdi.
"Yuventus" Emiliano Martinesga 2029 yilgacha mo‘ljallangan, yiliga 5,5 mln yevro maosh va imzo bonusi taklif qildi. Dibu "Aston Villa"ni tark etmoqchi, klub esa "Yuventus"dan darvozabon bo‘yicha birinchi taklifni kutmoqda. "Bianconeri" uni katta bo‘lmagan summa to‘lab, o‘z safiga qo‘shib olishni istaydi», — deb yozadi Skira.
33 yoshli Emiliano Martines 2020 yildan beri "Aston Villa" safida to‘p suradi. U jamoa bilan Yevropa Ligasi g‘olibi bo‘lgan (2025/2026 yilgi mavsum). Martines — Argentina terma jamoasi safida 2022 yilgi jahon chempioni.
