\"Yuventus\" Juntolini iste'foga chiqardi
Tomonlar o‘zaro kelishgan holda bitimni bekor qilishgan
Photo: Getty Images
“Yuventus” sport direktori Krishtianu Juntoli jamoani tark etdi. Bu haqda klub rasmiy sayti xabar berdi.
Qayd etilishicha, turinliklar 53 yoshli mutaxassis bilan shartnomani o‘zaro kelishuv asosida bekor qilgan.
“Bu qaror kelajak istiqbollari va o‘zaro ehtiyojlarni birgalikda baholashdan so‘ng qabul qilindi”, - deyiladi klub xabarida.
U 2024 yildan beri jamoada ishlab kelayotgan edi. U “Napoli”, “Karpi” va “Spezia” jamoalarida ham mehnat faoliyatini olib borgan.
Tez orada klubda yangi sport direktori ish boshlashi kutilmoqda.
Roziqjon Sultonmurodov
Jurnalist
