“Yuventus” ikki hujumchi orasidan tanlov qilmoqda
Turinning “Yuventus” klubi hujum chizig‘ini kuchaytirish uchun ikki futbolchini ko‘rib chiqmoqda. Italiyaliklar “Nyukasl” hujumchisi Nik Voltemadeni ijaraga olish bo‘yicha muzokaralarni davom ettirmoqda. Bu haqda insayder Fabrizio Romano ma’lum qildi.
Manbaga ko‘ra, Voltemadening o‘zi ham “Yuventus”ga o‘tishga qiziqish bildirmoqda. Biroq Turin klubi uning transferi amalga oshmagan taqdirda “Manchester Yunayted” hujumchisi Joshua Zirkzeeni muqobil variant sifatida ko‘rib chiqmoqda.
Voltemade yangi mavsumda “Nyukasl” safida ikkita uchrashuvda maydonga tushib, bitta golli uzatma amalga oshirdi. Zirkzee esa hozircha joriy mavsumda rasmiy uchrashuvda maydonga tushmagan.
Ma’lumot uchun, “Yuventus” A Seriyaning dastlabki ikki turida olti ochko jamg‘arib, turnir jadvalida uchinchi o‘rinni egallab turibdi.
