Yurgen Klopp “Leypsig” futbolchisini “Real”ga taklif qildi

Futbol 07 iyn 2025 da 09:10

Nasrullo Karimov

Журналист

Red Bull futbol bo'limi rahbari Yurgen Klopp “RB Leypsig”ning 22 yoshli hujumchisi Benjamin Sheshkoni “Real”ga shaxsan taklif qildi. Bu haqda Defense Central nashri xabar bermoqda.

Manbaga ko'ra, “qaymoqranglilar” prezidenti Florentino Peres germaniyalik mutaxassisga Sheshko Madrid grandiga mos kelmasligini aytgan.

Ta'kidlanishicha, “Real” jamoaning sobiq futbolchisi Xoseluga o'xshash forvard qidirishda davom etmoqda.

Ma'lumot uchun, Sheshko o'tgan mavsum barcha turnirlarda 45 ta o'yinda maydonga tushib, 21 ta gol urdi va 6 ta golli uzatmani amalga oshirdi. Uning Transfermarkt'dagi narxi 70 million yevroga baholanmoqda.

Aloqador jamoalar va ligalar

Real Madrid

RB Leipzig

Ispaniya La Ligasi

Bundesliga Germaniya