Yulmann «Atletiko»ga o‘tishga tayyor

'Sporting' klubi sardori Morten Yulmann faoliyatini Madridning 'Atletiko' klubida davom ettirishga tayyor. Bu haqda Atletico Universe nashri xabar berdi.

Manbaga ko‘ra, 'matraschilar' 27 yoshli futbolchi bilan shartnoma shartlari bo‘yicha kelishuvga erishdi. Endi navbat klublarga – ular transfer tafsilotlarini o‘zaro kelishib olishlari kerak.

'Sporting' yarim himoyachi uchun taxminan 40 million yevro talab qilmoqda.

Morten Yulmann 2023 yildan buyon Lissabon jamoasi sharafini himoya qilib kelmoqda.

O‘tgan mavsumda daniyalik futbolchi 45 ta o‘yinda maydonga tushib, o‘z hisobiga 3 ta gol va 6 ta golli uzatma yozdirib qo‘ygan.

Roziqjon Sultonmurodov

Jurnalist

0 0 0 0 0 0