Yosh \"ajdarlar\" xalqaro turnirda ishtirokni boshladi
Avval xabar berganimizdik, 2012-yilda tavallud topgan Qarshining “Nasaf” klubi tarbiyalanuvchilari xalqaro turnirda oʻz ishtiroklarini boshlashdi.
Boshlagandayam gʻalabalar bilan! Dilmurod Poʻlatov boshqaruvidagi "Nasaf" 2012 (A) guruhimiz mahalliy "Paxtakor Junior" jamoasini 2:0 hisobida magʻlub etishdi. Har ikkala golga ham umidli va iqtidorli hujumchi Akbar Isoyev mualliflik qilgan boʻlsa, oʻyinning eng yaxshi futbolchisi sifatida Abdulaziz Usmonov eʼtirof etildi!
Aynan shu yildagi (B) guruhda ishtirok etayotgan yosh “ajdarlar” esa qoʻshni Qozogʻistonning "Muras United" yoshlarini 3:1 natijasi bilan taslim etishdi. Gollarga Jasur Niyazov, Odil Movlonov hamda Artur Abdullayev mualliflik qilishdi. Eng yaxshi futbolchisi sifatida Behruz Islomov deb topildi.
