Yoahim Lyov O‘zbekiston terma jamoasiga bosh murabbiy bo‘lishi mumkin
Mashhur nemis mutaxassisi Yoahim Lyov futbolga qaytishi mumkin. Championat.Asia manbasining xabar berishicha, O‘zbekiston futbol assotsiatsiyasi 64 yoshli murabbiy bilan muzokaralarni boshlab yuborgan. Lyov 2014 yili Germaniya terma jamoasi bilan Jahon chempionligini qo‘lga kiritgan va so‘nggi marta 2021 yili termada ishlagan edi.
Agar kelishuvga erishilsa, Lyov o‘z ishini Osiyoda davom ettirishi mumkin. Manbaga ko‘ra, hozirgi bosh murabbiy Timur Kapadze milliy jamoa tizimida qoladi va yangi murabbiyning shtabidan o‘rin oladi.
Lyovning tayinlanishi nafaqat O‘zbekiston, balki butun Osiyo futboli uchun sensatsion voqea bo‘lishi mumkin. Bu o‘z navbatida, mamlakatning Jahon chempionati–2026 va Osiyo o‘yinlari saralashlari oldidan jiddiy maqsadlar sari qadam tashlayotganini ko‘rsatadi.
