Yevropa futbol federatsiyalari Infantinoga muqobil nomzod izlamoqda
Yevropaning bir qator futbol federatsiyalari FIFA prezidenti Janni Infantinoga qarshi muqobil nomzod topish ustida ish boshlagani haqida xabarlar tarqaldi.
Ma'lumotlarga ko‘ra, UEFAga a'zo ayrim federatsiyalar Infantinoning so‘nggi qarorlari va FIFA boshqaruv uslubidan norozi. Shu sababli ular FIFA prezidentligi uchun yangi nomzodni ilgari surish imkoniyatlarini muhokama qilmoqda.
Xabarlarda aytilishicha, ehtimoliy nomzodlar orasida PSJ prezidenti Nosir Al-Xelayfiy, shuningdek, Polshaning "Legiya" klubi rahbari Daryush Myoduski nomlari tilga olinmoqda. Biroq hozircha ularning hech biri rasman saylovda ishtirok etishini tasdiqlamagan.
Eslatib o‘tamiz, so‘nggi haftalarda FIFA va UEFA o‘rtasidagi ziddiyatlar kuchaygan. Bunga JCh-2026 davomida qabul qilingan bahsli qarorlar, shuningdek, FIFA boshqaruvi yuzasidan bildirilayotgan tanqidlar sabab bo‘lmoqda.
