YChL. Pley-off bosqichiga muddatidan avval yoʻllanma olgan besh jamoa nomi maʼlum boʻldi
Chempionlar Ligasi umumiy bosqichining dastlabki olti turi ortda qoldi va shu natijalar asosida besh jamoa pley-off yo‘llanmasini muddatidan oldin qo‘lga kiritdi.
«Arsenal», «Bavariya», «PSJ», «Manchester Siti» va «Atalanta» endilikda 25-o‘rindan pastga tushmaydi va shu bilan pley-off bosqichi yo‘llanmasini kafolatladi.
Reglamentga ko‘ra, umumiy bosqichda eng yaxshi sakkizta jamoa to‘g‘ridan-to‘g‘ri 1/8 finalga yo‘l oladi. 9–24-o‘rinlarni egallagan klublar esa o‘zaro pley-off bosqichida to‘qnash keladi va undagi g‘oliblar ham 1/8 final ishtirokchisiga aylanadi.
Eslatib o‘tamiz, joriy mavsum Chempionlar ligasi finali 2026 yil 30 may kuni Budapeshtdagi «Puskash Arena»da bo‘lib o‘tadi. Amaldagi chempion — «PSJ». Parijliklar o‘tgan yilgi finalda «Inter»ni yirik 5:0 hisobida mag‘lub etgan edi.
