YChL. Haftaning eng yaxshi futbolchisi nomiga daʼvogarlar e'lon qilindi
UEFA matbuot xizmati Chempionlar ligasi umumiy bosqichining 3-tur oʻyinlari yakunlariga koʻra haftaning eng yaxshi futbolchisi nomiga daʼvogarlar roʻyxatini eʼlon qildi.
Nominantlar qatoriga quyidagi futbolchilar kiritildi:
• Gorka Guruseta — «Atletik» hujumchisi, «Qorabog‘»ga (3:1) qarshi oʻyinda dubl qayd etdi.
• Dennis Man — «PSV» vingeri, «Napoli»ga (6:2) qarshi oʻyinda dubl qayd etdi.
• Feliks Nmecha — «Borussiya D» yarimhimoyachisi, «Kopengagen»ga (4:2) qarshi oʻyinda dubl qayd etdi.
• Fermin Lopes — «Barselona» yarimhimoyachisi, «Olimpiakos»ga (6:1) qarshi oʻyinda xet-trik qayd etdi.
Eslatib oʻtamiz, hozirda Chempionlar ligasi turnir jadvalida «PSJ» 9 ochko bilan peshqadamlik qilmoqda. «Bavariya», «Inter», «Arsenal» va «Real» hisobida ham shuncha ochko mavjud va jamoalar mos ravishda 2—5-o‘rinlarni egallab turibdi.
