YChL. «Barselona» o‘z maydonida «Nyukasl»ni tor-mor etib, chorak finalga yo‘llanma oldi
UEFA Chempionlar Ligasining 1/8 final bosqichi doirasida Ispaniyaning «Barselona» va Angliyaning «Nyukasl» jamoalari o‘rtasidagi javob uchrashuvi yakunlandi. «Kamp Nou» stadionida kechgan bahs kataloniyaliklarning 7:2 hisobidagi yirik g‘alabasi bilan tugadi.
O‘yinning birinchi bo‘limi ancha shiddatli kechdi. Hisobni 6-daqiqada mezbonlar hujumchisi Rafinya ochgan bo‘lsa, 15-daqiqada mehmonlar vakili Entoni Elanga muvozanatni tikladi. Oradan uch daqiqa o‘tib Mark Bernal «Barselona»ni yana oldinga olib chiqdi, biroq 28-daqiqada Elanga dubl qayd etib, hisobni tenglashtirdi. Birinchi bo‘limga qo‘shib berilgan vaqtda Lamin Yamal penaltini aniq amalga oshirib, hisobni 3:2 ko‘rinishiga keltirdi.
Ikkinchi bo‘limda esa maydonda to‘liq «Barselona» ustunligi kuzatildi:
- 52-daqiqada Fermin Lopes to‘rtinchi golni urdi.
- 56 va 61-daqiqalarda Robert Levandovski dubl qayd etib, hisobni yirik ko‘rinishga keltirdi.
- 72-daqiqada Rafinya o‘zining ikkinchi golini urib, yakuniy nuqtani qo‘ydi.
Uchrashuvning 82-daqiqasida «Barselona» darvozaboni Joan Garsiya jarohat olib, maydonni tark etishga majbur bo‘ldi va uning o‘rniga Voysex Shensni o‘yinga qo‘shildi.
Eslatib o‘tamiz, jamoalar o‘rtasidagi birinchi bahsda 1:1 hisobi qayd etilgan edi. Shu tariqa, Xans-Diter Flik shogirdlari umumiy 8:3 hisobida g‘alaba qozonib, Chempionlar Ligasining chorak finaliga yo‘l oldilar. Kataloniyaliklar umumiy bosqich yakunida 16 ochko bilan 5-o‘rinni egallab, ushbu bosqichga to‘g‘ridan-to‘g‘ri yo‘llanma olgan edilar.
