YChL. «Arsenal» safarda «Bryugge»ni yirik hisobda magʻlub etdi
Belgiyaning Bryugge shahridagi «Jan Breydel» stadionida Chempionlar Ligasi umumiy bosqichining 6-tur uchrashuvi bo‘lib o‘tdi. «Bryugge» va «Arsenal» o‘rtasidagi bahsda londonliklar yirik — 3:0 hisobida g‘alaba qozondi.
Mehmonlarning birinchi goli 25-daqiqada qayd etildi — Noni Madueke hisobni ochdi. Ikkinchi bo‘lim boshlanishi bilan, 47-daqiqada u dublni rasmiylashtirdi. 56-daqiqada esa Gabriel Martinelli to‘pni darvozaga joylab, «Arsenal»ning ishonchli ustunligini ta’minladi.
Uchrashuvdan so‘ng «Bryugge» 4 ochko bilan umumiy jadvalda 31-o‘rinda qoldi. «Arsenal» esa 18 ochko jamg‘argan holda peshqadamlikni mustahkamlab turibdi.
Keyingi turda «Bryugge» 20 yanvar kuni safarda «Qayrat»ga qarshi maydonga tushadi. «Arsenal» ham 20 yanvar kuni safarda «Inter» bilan to‘qnash keladi.
YChL. 6-tur
«Bryugge» — «Arsenal» 0:3
Gollar: Madueke (25, 47), Martinelli (56).
