Yaypan Fergana: 2026 mavsum oldi taqdimoti bo‘lib o‘tdi
Tadbirni tuman hokimi Ravshanbek Begmatov ochib berdi.
Фото: Яйпан ФК
O‘zbekiston tumani Madaniyat markazida “Yaypan Fergana” jamoamizning rasmiy taqdimot marosimi bo‘lib o‘tdi.
Tadbirni tuman hokimi Ravshanbek Begmatov ochib berdi. Shuningdek, tuman bosh prokurori Obidjon Sobirov jamoamizga Proliga bahslarida omad tiladi.
Klub rahbari Abduvahob Ahmadaliyev amalga oshirilgan ishlar haqida to‘xtalib o‘tdi. Bosh murabbiy Rashidjon G‘afurov jamoamiz mavsumga tayyor ekanligini ta’kidladi. Futbolchilar nomidan Mirjalol Abdumutalov yaratilgan sharoitlar uchun minnatdorchilik bildirdi.
Taqdimotning ikkinchi qismida jamoamizning yangi liboslari namoyish etildi: uy uchrashuvlarida ko‘k, safarda esa sariq libosda maydonga tushamiz. Shuningdek, futbolchilar va ularning raqamlari muxlislarga tanishtirildi.
Roziqjon Sultonmurodov
Jurnalist