«Yaqin orada bugungidek hujumkor, tomoshabop o‘yin ko‘rmagandim» – Jahongir Ortiqxo‘jayev
Ortiqxo‘jayev «Dinamo»ga mardonavor o‘yin uchun minnatdorchilik bildirdi.
Фото: Динамо ПФК
«Paxtakor» – «Dinamo» (4:2) uchrashuvidagi jamoamizning alamli mag‘lubiyatidan so‘ng Toshkent klubi prezidenti Jahongir Ortiqxo‘jayev Samarqand klubi kiyinish xonasiga kelib, chiroyli va mardonavor futbol uchun «Dinamo» jamoasiga minnatdorchilik bildirdi.
«Yaqin orada bugungidek hujumkor, tomoshabop, chiroyli o‘yin ko‘rmagandim. Superliga aynan mana shunday chiroyli, hujumkor va tomoshabop o‘yinlar bilan muxlislarni o‘ziga tortadi. Yigitlar, bu – futbol, mag‘lubiyatga qaramay, «Dinamo»ning maydondagi haqiqiy mardonavor o‘yini va kurash uchun sizga, murabbiylarga rahmat!
Hali kubok finalida uchrashamizmi? Zo‘r o‘yin bo‘lardi. Mana shunday mardonavor, hujumkor o‘yin uchun sizlarga yana bir bor rahmat!» – dedi «Paxtakor» klubi raisi.
Roziqjon Sultonmurodov
Jurnalist