Yaponiya Ekvadorni penaltilarda mag‘lub etib, Kirin Cup finaliga chiqdi
Yaponiya terma jamoasi Kirin Cup-2026 yarim finalida Ekvadorni penaltilar seriyasida mag‘lub etib, turnir finaliga yo‘l oldi. Yokohamadagi uchrashuvning asosiy vaqti 0:0 hisobida yakunlandi.
Bahs davomida har ikki jamoa gol urish uchun imkoniyatlarga ega bo‘ldi, biroq darvozalarni ishg‘ol eta olmadi. Turnir reglamentiga ko‘ra, 90 daqiqadan so‘ng hisob teng bo‘lsa, qo‘shimcha vaqt o‘tkazilmaydi va g‘olib to‘g‘ridan-to‘g‘ri penaltilar seriyasida aniqlanadi.
Penaltilar seriyasida Yaponiya futbolchilari aniqroq harakat qilib, Ekvador ustidan g‘alaba qozondi. Shu tariqa, mezbonlar Kirin Cup-2026 bosh sovrini uchun kurashish imkoniyatiga ega bo‘ldi.
Ma’lumot uchun, finalda Yaponiya Yangi Zelandiya terma jamoasiga qarshi maydonga tushadi. Yangi Zelandiya yarim finalda Panamani 1:1 hisobidagi durangdan so‘ng penaltilar seriyasida mag‘lub etdi. Final 5-oktabr kuni Tokiodagi Milliy stadionda bo‘lib o‘tadi.
