Yamalning so‘zlari “Barselona”ning ikki yulduziga yoqmadi
“Barselona” vingeri Lamin Yamalning “Oltin to‘p” uchun kurash haqida gapirar ekan, o‘zini Kilian Mbappe bilan birga dunyoning eng yaxshi ikki futbolchisidan biri sifatida tilga olgani jamoa ichida ayrim noroziliklarga sabab bo‘lgan. Xususan, bu fikr Rafinya va Rodriga yoqmagani aytilmoqda. Bu haqda El Nacional nashri xabar bermoqda.
Manbaga ko‘ra, Rafinya va Rodri ham o‘zlarini dunyoning eng yuqori saviyadagi futbolchilari qatorida deb hisoblaydi. Shu sabab Yamalning bayonoti ayrim jamoadoshlariga u o‘zini boshqalardan ustun qo‘ygandek taassurot qoldirgan.
Shunga qaramay, vaziyat jiddiy mojaroga aylanmagan. Rafinya va Rodri Yamal bilan yaxshi munosabatda ekani, masala ko‘proq yosh futbolchining ommaviy chiqishlarida ehtiyotkorroq bo‘lishi kerakligi bilan bog‘liq ekani ta’kidlanmoqda. Bosh murabbiy Xans-Diter Flik esa jamoa ichidagi muvozanatni saqlashga alohida e’tibor qaratmoqda.
Ma’lumot uchun, Yamal bu mavsumda “Oltin to‘p” uchun asosiy nomzodlardan biri sifatida tilga olinmoqda. “Barselona” safida Rodri ham individual sovrin uchun da’vogarlar qatorida qayd etilgan.
