Yamal mavsumning qolgan qismini oʻtkazib yuborishi mumkin — manba
«Barselona» vingeri «Selta»ga qarshi oʻyinda jarohat oldi.
FOTO: Getty Images
«Barselona» qanot hujumchisi Lamin Yamal Ispaniya chempionatining 33-turi doirasidagi «Selta»ga qarshi bahsda jarohat olib, maydonni tark etdi. Mundo Deportivo nashrining xabar berishicha, ispaniyalik vinger La Liga mavsumining qolgan qismini va JCh-2026 startini o‘tkazib yuborish xavfi ostida turibdi.
Nashr ma’lumotlariga ko‘ra, Yamal chap oyog‘ining tizza osti payini jarohatlab olgan. Agar tibbiy tekshiruvlar paylarning uzilganini tasdiqlasa, vinger mavsum yakuniga qadar safdan chiqadi va jahon birinchiligining dastlabki o‘yinlarida ishtirok eta olmaydi.
Joriy mavsumda Yamal «Barselona» safida barcha turnirlar doirasida 45 ta o‘yinda maydonga tushib, 24 ta gol urdi va 16 ta golli uzatmani amalga oshirdi.
Nasrullo Karimov
Jurnalist