Xuan Sebastian Veron: «Messining hamma oʻyinlarda maydonga tusha olishiga ishonchim komil emas»
Sobiq futbolchi 38 yoshli yulduzning mundialdagi ishtiroki haqida gapirdi.
Futbol
Nasrullo Karimov
Jurnalist
FOTO: Getty Images
Argentina terma jamoasining sobiq yarimhimoyachisi Xuan Sebastian Veron 38 yoshli jamoa sardori Lionel Messining 2026-yilgi Jahon chempionatidagi barcha uchrashuvlarda ishtirok eta olishiga shubha bildirdi.
«Messi va uning Jahon chempionatidagi ishtirokiga nisbatan ehtiyotkor boʻlishimiz kerak. Uning yoshini hisobga olsak, barcha oʻyinlarda maydonga tusha olishiga ishonchim komil emas. Oʻylashimcha, biz unga yordam berishimiz, uning oʻzi ham bu yordamni qabul qilishiga yoʻl qoʻyishi kerak. Bu ham oson emas…
Hozirda Xulian Alvares, Lautaro Martines va Enso Fernandes ajoyib sport formasida. Shuningdek, yosh futbolchilarga ham eʼtibor qaratish lozim — Pas hozir yaxshi holatda, Lopes ham shunday», — dedi Veron.