Xorazm viloyati futbol akademiyasida yoshlar bilan uchrashuv o‘tkazildi
Xorazm viloyati futbol akademiyasida yosh futbolchilarda vatanparvarlik ruhini mustahkamlash, milliy o‘zlikni anglash hamda jamoaviy qadriyatlarni shakllantirish maqsadida Xorazm PFK sport direktori Xursandbek Matkariov hamda jamoa a’zolari Rustam Abdulhamidov va Abbos Otoxonov ishtirokida uchrashuv tashkil etildi.
Uchrashuv davomida futbolchilar o‘zlarining professional faoliyati, katta futbolga kirib kelish jarayonlari hamda ko’plab millatlarda to‘p surgan davrlarida his etgan mas’uliyati, Vatan qadri, sog‘inch va ko’nikmalar haqida samimiy fikrlar bilan o‘rtoqlashdilar.
Shuningdek, yosh tarbiyalanuvchilarga sportda muvaffaqiyatga erishish yo‘lida intizom, mehnatsevarlik va Vatanga sadoqat muhim o‘rin tutishi ta’kidlandi. Uchrashuv savol-javoblarga boy tarzda o‘tib, yosh futbolchilar uchun nihoyatda qiziqarli va mazmunli bo‘ldi.
