Xoll «Manchester Yunayted»ga o‘tishni qat’iy istamoqda
«Nyukasl»ning chap qanot himoyachisi Lyuis Xoll klubni tark etish niyatida ekanini rahbariyatga bildirgan.
21 yoshli futbolchi faoliyatini «Manchester Yunayted»da davom ettirishni istamoqda. Bu haqda The Sun xabar berdi.
Manbaga ko‘ra, Xoll «Nyukasl»da Eddi Xau qo‘l ostida yetarlicha imkoniyatga ega bo‘lmagani sababli 2026 yilgi Jahon chempionatida Angliya terma jamoasi tarkibiga kirmay qolgan, deb hisoblaydi. Klubda yangi bosh murabbiy Mattias Yayssle ish boshlaganiga qaramay, futbolchining jamoani tark etish istagi o‘zgarmagan.
Ayni paytda «Manchester Yunayted» Xollni chap qanot himoyasi uchun asosiy nomzodlardan biri sifatida ko‘rmoqda. Biroq «Nyukasl» futbolchini sotishga qarshi va avvalroq mankunianliklarning so‘rovini rad etgan.
Xollning «Nyukasl» bilan amaldagi shartnomasi 2029 yil yozigacha mo‘ljallangan. Transfermarkt ma’lumotlariga ko‘ra, uning bozor qiymati 40 million yevro atrofida baholanmoqda. O‘tgan mavsumda ingliz himoyachisi barcha turnirlarda 47 ta uchrashuv o‘tkazib, 1 ta gol va 2 ta golli uzatma qayd etgan.
