Xames Rodriges oʻziga yangi jamoa qidirmoqda
Kolumbiyalik yarim himoyachi Xames Rodriges hali ham yangi jamoa izlamoqda. Rasmiy ravishda Meksikaning «Leon» klubiga tegishli bo‘lsa-da, futbolchi istalgan vaqtda erkin agent sifatida jamoasini o‘zgartirishi mumkin. Uning hozirgi maqomi transfer oynasidan tashqari muzokaralar olib borishga imkon beradi. Bu haqda insayder Fabritsio Romano xabar bermoqda.
Manbaga ko‘ra, sobiq «Real Madrid» futbolchisi «Orlando Siti» bilan muzokaralar olib bormayapti. Shu tariqa, AQSh klubi bilan transfer borasidagi avvalgi mish-mishlar rad etildi.
34 yoshli hujumkor yarim himoyachining kelajagi hozircha noma’lumligicha qolmoqda. Kolumbiya milliy jamoasining yulduzi yaqin vaqt ichida yangi jamoa topishiga umid qilmoqda. Xames joriy yil boshida «Leon» tarkibiga qo‘shilgan edi.
Meksikaga yo‘l olguniga qadar Rodriges Ispaniyaning «Rayo Valyekano» klubiga tegishli bo‘lgan. Biroq u Madrid jamoasi safida deyarli maydonga tushmagan.
