Xabi Alonso “Chelsi” markaziy himoyachilari sonini qisqartirmoqchi
“Chelsi” bosh murabbiyi Xabi Alonso jamoa tarkibidagi markaziy himoyachilar sonini sezilarli darajada kamaytirishni rejalashtirmoqda. Sky Sports xabariga ko‘ra, ispaniyalik mutaxassis yangi mavsum uchun tarkibda atigi 4–5 nafar markaziy himoyachi qolishini istamoqda.
Hozirgi vaqtda “Chelsi” safida markaziy himoyachi pozitsiyasida o‘ynay oladigan 10 nafar futbolchi bor. Ular orasida Levi Kolvill, Maksans Lakrua, Trevoh Chaloba, Aaron Anselmino, Aksel Disasi, Benua Badiashil, Uesli Fofana, Mamadu Sarr, Tosin Adarabioyo va yana bir qator futbolchilar mavjud. Bunday katta raqobat sabab yozgi transfer oynasida bir nechta himoyachining klubni tark etishi kutilmoqda.
Manbaga ko‘ra, Xabi Alonso o‘zining 3 himoyachili taktik sxemasiga mos, sifatli va ixcham tarkib shakllantirishni maqsad qilgan. Shu bois “Chelsi” rahbariyati yaqin haftalarda markaziy himoyachilar bo‘yicha bir nechta transfer qarorlarini qabul qilishi kutilmoqda.
