Wilson «Vest Hem»ni tark etadi
Hujumchining bozor bahosi 5 million yevroni tashkil etadi.
ФОТО: Getty images
33 yoshli markaziy hujumchi Callum Wilson «Vest Hem»ni erkin agent sifatida tark etadi. Bu haqda jurnalist Pete O'Rourke xabar berdi.
Manbaga ko‘ra, tomonlar mehnat shartnomasini muddatidan oldin bekor qilish bo‘yicha kelishuvga erishgan.
Wilson o‘tgan yil avgustida «bolg‘achilar» safiga tekin qo‘shilgandi. Shu vaqt mobaynida u 16 o‘yinda maydonga tushib, 4 ta gol urdi va 1 ta assist qayd etdi.
Futbolchi faoliyati davomida faqat Angliya klublarida to‘p tepgan. Bungacha «Nyukasl», «Bornmut», «Koventri» va boshqa jamoalarda o‘ynagan.
Transfermarkt ma’lumotlariga ko‘ra, hujumchining bozor bahosi 5 million yevroni tashkil etadi.
Roziqjon Sultonmurodov
Jurnalist