Vushkovich «Brayton»ga o'tmoqda — transfer qiymati 50 million funtdan oshadi
Xorvatiya terma jamoasi va Londonning «Tottenhem» klubi himoyachisi Luka Vushkovich faoliyatini «Brayton»da davom ettiradi. Bu haqda insayder Fabrizio Romano xabar berdi.
Manbaga ko'ra, transferning kafolatlangan qiymati 46 million funt sterling (53,8 million yevro)ni tashkil etadi. Shuningdek, futbolchi bilan shaxsiy shartnoma shartlari ham to'liq kelishib olingan.
Tomonlar o'rtasidagi kelishuvga «Tottenhem»ning Vushkovichning keyingi transferidan ma'lum foiz olishi haqidagi band ham kiritilgan. Turli bonuslar qo'shilganda esa transferning umumiy qiymati 50 million funt sterlingdan (58,5 million yevro) oshib ketadi.
2025/2026 yilgi mavsumda Luka Vushkovich barcha musobaqalar doirasida 30 ta uchrashuv o'tkazib, himoyachi bo'lishiga qaramay 6 ta gol muallifi bo'ldi.
Transfermarkt portali ma'lumotlariga ko'ra, 19 yoshli futbolchining ayni paytdagi bozor qiymati 60 million yevroga baholanmoqda.
