\"Volfsburg\" Kristian Eriksenning holati bo‘yicha rasmiy bayonot berdi
Klub hozircha Eriksenning maydonga qachon qaytishi bo‘yicha aniq muddatni e'lon qilmagan.
Foto: Getty Images
Germaniyaning "Volfsburg" klubi yarim himoyachi Kristian Eriksenning sog‘lig‘i yuzasidan rasmiy ma'lumot berdi.
Klub bayonotiga ko‘ra, daniyalik futbolchi ayni paytda o‘zini yaxshi his qilmoqda va tiklanish jarayonini vatani Daniyada individual dastur asosida davom ettiradi. "Volfsburg" Eriksen hamda uning shifokorlari bilan doimiy aloqada bo‘lib turishini ma'lum qildi.
Eslatib o‘tamiz, Eriksen iyun oyida Daniya va Ukraina terma jamoalari o‘rtasidagi o‘rtoqlik uchrashuvi vaqtida hushini yo‘qotib yiqilgandi. Futbolchiga zudlik bilan tibbiy yordam ko‘rsatilgan va keyinchalik uning ahvoli barqaror ekani tasdiqlangan.
Klub hozircha Eriksenning maydonga qachon qaytishi bo‘yicha aniq muddatni e'lon qilmagan.
Nasrullo Karimov
Jurnalist