Vlahovich yangi shartnoma uchun talabini oshirdi
Xabarlarga ko‘ra, serbiyalik futbolchi avval so‘ragan 4 million yevro o‘rniga endi 8 million yevrolik imzo bonusini talab qilmoqda.
Foto: Getty Images
"Yuventus" hujumchisi Dushan Vlahovich klub bilan yangi shartnoma borasidagi muzokaralarda imzo bonusi bo‘yicha talabini keskin oshirdi.
Xabarlarga ko‘ra, serbiyalik futbolchi avval so‘ragan 4 million yevro o‘rniga endi 8 million yevrolik imzo bonusini talab qilmoqda. Bu esa tomonlar o‘rtasidagi muzokaralarni yanada murakkablashtirgan.
"Yuventus" esa moliyaviy siyosatini o‘zgartirmoqchi emas. Turin klubi Vlahovichning maoshini kamaytirish evaziga yangi shartnoma taklif qilmoqda, biroq futbolchi buni yuqori miqdordagi imzo bonusi bilan qoplashni istamoqda.
Agar yaqin vaqt ichida kelishuvga erishilmasa, Vlahovich yozgi transfer oynasida "Yuventus"ni tark etishi mumkin. Uning holatini Yevropaning bir nechta top-klublari kuzatib bormoqda.
Nasrullo Karimov
Jurnalist