Vinisius «Real» bilan yangi shartnoma boʻyicha kelishuvga erishdi
Yangi shartnomaga koʻra, braziliyalik yulduz Mbappedan kamroq maosh oladi.
FOTO: Getty Images
Madridning «Real» klubi qanot hujumchisi Vinisius Junior klub bilan yangi uzoq muddatli shartnoma borasida keluvshuvga erishdi. Tomonlar faqat so‘nggi detallarni kelishib olishlari qoldi. Bu haqda Sky Sports jurnalisti Florian Plettenberg o‘zining X ijtimoiy tarmog‘idagi sahifasida xabar berdi.
Manba bergan ma’lumotga ko‘ra, Vinisius bilan shartnoma uzaytirilganidan keyin ham, «qaymoqranglilar» hujumchisi Kilian Mbappe «qirollik klubi»ning eng ko‘p maosh oluvchi futbolchisi bo‘lib qoladi.
Avvalroq OAVda Vinisius amaldagi shartnomasiga ko‘ra yiliga 25 million yevro, Mbappe esa 32 million yevro maosh olishi haqida xabar berilgan edi. Braziliyalik futbolchining hozirgi kelishuvi 2027 yilning yozida yakuniga yetadi.
Nasrullo Karimov
Jurnalist