Vinisius 'Real' bilan shartnomasini uzaytirdi – manba
Uning maoshi ham oshirilgan
Photo: Getty Images
Madridning 'Real' klubi Vinisius Junior bilan shartnomasini uzaytirdi. Bu haqda Sport.es nashri xabar bergan.
Qayd etilishicha, 24 yoshli hujumchi 2030 yilgacha mo'ljallangan yangi shartnomaga imzo chekkan. Natijada futbolchining maoshi yiliga 20 million yevroga yetgan. Bu borada u Kylian Mbappé bilan tenglashgan.
Futbolchi eski shartnomasiga ko'ra, yiliga 15 million yevro atrofida maosh olgan.
Eslatib o'tamiz, Vinisiusning avvalgi shartnomasi 2027 yilning yozigacha tuzilgan edi.
Roziqjon Sultonmurodov
Jurnalist
