Vinisius «Atletik»ka qarshi o‘ynamaydi
U murabbiylar shtabi ruxsati bilan jamoa qarorgohini tark etib, Braziliyaga yo‘l oldi.
ФОТО: Getty images
"Real" hujumchisi Vinisius Junior La Liganing so‘nggi turida "Atletik"ka qarshi bahsda ishtirok etmaydi. Bu haqda The Touchline xabar berdi.
Manbaga ko‘ra, 25 yoshli futbolchi murabbiylar shtabi ruxsati bilan jamoa qarorgohini tark etib, Braziliyaga yo‘l olgan. U milliy jamoaga qo‘shilib, jahon chempionatiga tayyorgarlik ko‘radi.
Joriy mavsumda Vinisius "Real" safida 53 o‘yinda maydonga tushib, 22 ta gol va 14 ta assist qayd etdi.
Braziliya terma jamoasi JCh–2026da C guruhidan o‘rin olgan bo‘lib, Marokash, Gaiti va Shotlandiyaga qarshi bahs olib boradi.
Ma’lumot uchun, 2026 yilgi jahon chempionati AQSH, Meksika va Kanadada 11 iyundan 19 iyulgacha bo‘lib o‘tadi.
Roziqjon Sultonmurodov
Jurnalist