Vataru Endo jarohat sabab JCh-2026ni oʻtkazib yuboradi
«Liverpul» hamda Yaponiya terma jamoasi tayanch yarim himoyachisi Vataru Endo jarohati sababli 2026-yilgi Jahon chempionatida ishtirok eta olmaydi. Bu haqda Angliya klubi matbuot xizmati maʼlum qildi.
Bundan tashqari, 33 yoshli futbolchi Yaponiya milliy terma jamoasidagi faoliyatini butunlay yakunlaganini eʼlon qildi.
«Boshingni baland koʻtar, Vata», — deya qayd etilgan «Liverpul» klubi qoldirgan xabarda.
Mersisaydliklar yarimhimoyachisining oʻrniga jamoaga Myonxengladbaxning «Borussiya» klubi aʼzosi Syuto Matino jalb etiladi.
Maʼlumot uchun, Vataru Endo Yaponiya terma jamoasi safida barcha musobaqalarda 73 ta uchrashuvda maydonga tushib, 4 ta gol va 4 ta golli uzatmaga mualliflik qilgan. U milliy jamoadagi debyutini 2015-yilda nishonlagan edi.
