Vasiliy Smolin: Iste’dodli yoshlaringizni yengish oson kechmadi
Ikkinchi o‘rtoqlik uchrashuvidan keyin Qozog‘iston yoshlar terma jamoasi bosh murabbiyi Vasiliy Smolin o‘z fikr mulohazalari bilan o‘rtoqlashdi.
- Assalomu alaykum. O‘zbekiston terma jamoasiga qarshi ikkita ajoyib o‘rtoqlik uchrashuvining shohidi bo‘ldik. Har ikkala o‘yinning so‘nggi soniyalarigacha katta hayajon ostida o‘tirdik. birinchi bahsda 3:1, ikkinchi o‘yinda 3:2 hisobida g‘alaba qozongan bo‘lsak-da, raqib menda juda iliq taassurot qoldirdi. Fursatdan foydalanib bizning mamlakatimizga tashrifingiz uchun tashakkur izhor etaman. Bunday o‘rtoqlik uchrashuvlari ko‘p bo‘lishini istayman.
O‘zbekiston terma jamoasi tarkibida bir qator iqtidor egalarini ko‘rdim. Ayniqsa darvozabonlaringizning harakatlari menga manzur bo‘ldi. Jamoa sardoringiz (Bekzod Mirqosimov) va chap qanot hujumchingiz (Abdulboriy Ilyosov) juda ham iste’dodli, salohiyatli ekanliklarini namoyish etishdi. Bizga nisbatan terma jamoangiz a’zolari biroz yosh bo‘lsa-da, ularni yengish oson kechmadi.
