Van Deyk Saloh haqida: «Mo hamon jamoa yetakchisi va u biz bilan boʻlishi juda muhim»
«Liverpul» himoyachisi Virjil van Deyk jamoa forvardi Muhammad Saloh haqida o‘z fikrlari bilan o‘rtoqlashdi.
«Mo hamon yetakchi va jamoa sardori sifatida u biz bilan bo‘lishi hamda maydonga tushishi men uchun juda muhim, u jamoaga katta foyda keltirmoqda. U har doim jamoaga shunchaki gollardan ham ko‘prog‘ini beradi. Shubhasiz, ayni damda barcha e’tibor uning gollariga qaratilgan, chunki u juda yuqori standartlarni o‘rnatgan va kamroq gol urganida tanqidga uchramoqda.
Har qanday holatda ham Moning qolishini xohlayman, chunki u mening yaqin do‘stim va biz birgalikda ko‘plab yaxshi va yomon kunlarni boshdan kechirdik. Mo — «Liverpul»ning juda muhim o‘yinchisi va u haddan tashqari yuqori plankani o‘rnatib qo‘ygan.
Odamlar ko‘p muhim narsalarni tushunishmaydi. Keling, mavsum oxirigacha kutaylik va u qanchalik muhim bo‘lishi mumkinligini ko‘ramiz», — deya van Deykning so‘zlarini keltiradi BBC.
Joriy mavsumda Saloh klub safida barcha turnirlar doirasida 26 ta o‘yin o‘tkazib, 7 ta gol urdi va 8 ta golli uzatmani amalga oshirdi.
